"Sumqayıt Dəmir Beton 12" artıq 20 ildən çoxdur ki, fəaliyyət göstərir. Səhmdar Cəmiyyət özündə çox güclü kadr potensialı formalaşdırıb. Səhmdar Cəmiyyət Bakı, Abşeron və Sumqayıtda əsas beton istehsalçılarındandır, respublikanın tikinti kompleksinə daxil olan əsas qurumlar arasında böyük nüfuza və güvənə malikdir. Bütün bunlar isə illər ərzində yüksək keyfiyyət, dürüstlük və operativlik nəticəsində əldə olunub.

Məhz dediklərimizin və daim yeniliyə can atmanın, təşəbbüskarlığın nəticəsidir ki, "Sumqayıt Dəmir Beton 12"  standartlara cavab verən beton və dəmirbeton elementlərinin istehsalı ilə məşğuldur.İş sağlamlığı və Təhlükəsizliyi İdarəetmə Sistemi Standartına malik sanballı bir qurumdur. Əməkdaşlarımız yüksək nizam-intizam və iş keyfiyyətinin yüksəldilməsi proqramı ilə çalışırlar. Bir sözlə, "Sumqayıt Dəmir Beton 12"-də sistem ən müasir tələblər səviyyəsində qurulub.

Onu da vurğulamaq istəyirəm ki, tikinti şirkətlərinə təkcə tələb olunan markada beton və dəmirbeton verməklə işimizi bitmiş hesab etmirik, eyni zamanda şirkətimizin mütəxəssisləri tərəfindən inşaat meydançalarında lazımi texniki xidmətlər göstəririk və çalışırıq ki, inşaatçılarımızı layihələr üzrə tələb olunan marka betonqarışıqları ilə təmin edək.